"Ang Aking Pamilya Sa Ganap Na Pagsubok"

"Ang Aking Pamilya sa Ganap na Pagsubok"

Akda ni: Maria Julianna Pimentel

                

                 Ang aking pamilya sa ganap na pagsubok ay walang takot at magkakasama naming sinosolusyonan ang aming mga problema at pagsubok na haharang sa aming pagmamahalan. Handa kami magsakripisyo para lamang sa kapakanan ng isa o mahigit pa na miyembro ng aming pamilya. Bihira lamang ang mga madaling sumuko sa aming magkakapamilya dahil isa ang katapangan at pagharap sa pagsubok ang aming katangian at nagpapasalamat ako doon.

                Kahit ganoon man ito kahirap ay kinakailangan parin pagtiyagaan ang mga harang o pagsubok sa aming buhay. Iyon ang patunay na kaming magkapamilya ay hindi kayang masira at mawatak ng basta basta na lamang dahil naniniwala kami sa isa't isa at hindi kami mag-aalangan na iligtas sa pahamak ang mga miyembro ng aming pamilya. Ganoon kaimportante ang bawat isa sa amin at sigurado ako na kailanman ay walang makakapagbitaw at makakasira sa aming pamilya.

                 Sana ay mayroon din na ibang pamilya na handa na iligtas ang kamiyembro ng kanilang pamilya at handang magsakripisyo para sa isa't isa at sigurado ako na magiging maganda ang buhay ng mga pamilya kapag ganoon ang kanilang mga katangian at personalidad lalo na kapag kasama ang isa't isa.